UNHA CASA PARA MENTA

11º MOMENTO - MÉRCORES 19 NOVEMBRO

2008-11-19T13:05:00.000-08:00

Hoxe foi o último día no que traballamos coa casa de Menta, posto que xa está totalmente rematada. Xa que días atrás decidíramos poñerlle a casa un nome e asignámoslle un número pensamos que sería convinte colocar xunto a ela un cartel no que se anunciase o seu nome: Green Troncaixiña. Para conseguilo pintamos un pau de madeira de verde e escribimos en dúas táboas o nome e o número da casa.

Fai un tempo ocorréusenos facer un diccionario adicado en exclusiva a casa de Menta con definicións nosas, durante parte da mañá traballamos con ese tema. Pola tarde plasmamos nuns folios a imaxe que cada un nas súas cabezas tiña sobre a propia casa (por dentro e por fora). Noutra ficha escribimos o nome da casa e na volta da folla debuxamos un muro e cunha plantilla o número da casa.

10º MOMENTO - XOVES 13 NOVEMBRO

2008-11-17T14:20:00.000-08:00

A casa case está rematada e os mobles colocados no seu espazo.

9º MOMENTO - MÉRCORES 12 NOVEMBRO

2008-11-16T14:39:00.000-08:00

Nunha sesión anterior estivemos traballando con ladrillos pequenos, neste momento concreto empregaremos os ladrillos para construir unha parede na que graffitearán o nome da casa de Menta e o número.

Despois de ter rematado o muro xogan a unha aplicación en Jclic onde interiorizarán aqueles conceptos que teñen que ver cos planos das casas.

Os mobles da casa de Menta sengundo tiñan decidido os nosos alumn@s faranse con caixas de cartón. Pintarémolas caixas da cor do espacio que lle corresponda a cada unha para logo pegarlle a imaxe do moble que representa.

8º MOMENTO - 5 NOVEMBRO

2008-11-11T13:56:00.000-08:00

Presentamos os nen@s da nosa aula o libro "Teo na casa" e concretamente unha das páxinas nas que fai referencia a unha perspectiva aérea (vista dende enriba). A continuación volvemos os espacios do plano da casa de Menta que tiñamos elaborados a través de folios de cores. Terán que colocar os nome no espacio correspondente e a continuación os mobles e elementos que caracterizan a cada unha das partes da casa.

Xa pola tarde e posto que en días anteriores xa estiveramos traballando na tarefa de pintar e recortar follas, chegou o momento e pegalas no teito da casa como se fosen tellas.
Menta é moi amiga do vento e a súa casa está rodeada de viraventos. Confeccionamos muiños de vento decorándoos cos motivos da vestimenta de Menta.

7º MOMENTO - 29 OUTUBRO

2008-11-10T15:09:00.000-08:00

Chega unha caixa sorpresa a nosa aula. Os nen@s abren a caixa vermella con moita intriga. ¿Que haberá nela? Descubren que son miniladrillos e miniazulexos. Con eles terán xogar a construir cousas.

6º MOMENTO - MIÉRCOLES 22 OUTUBRO

2008-11-10T14:53:00.000-08:00

Xa decidimos cal é a cor coa que temos que pintar as habitacións da casa. Facemos tres grupos e pintamos as caixas.

5º MOMENTO - MARTES 21 OUTUBRO

2008-10-21T13:56:00.000-07:00

As mestras entregan os alumn@s unha ficha na que aparecen recollidas catro follas de menta. Os alumn@s deberán pintalas con acuarelas para logo recortalas co punzón. Posteriormente valerán para decorar a casa da nosa mascota.

4º MOMENTO - MÉRCORES 15 OUTUBRO

2008-10-20T09:46:00.000-07:00

Xa de mañá acudimos a aula de informática do centro. O primeiro será presentar os alumn@s este blog, que xa coñecían de oidas, pero moit@s será a primeira vez que o vexan. Coa nosa axuda escribirán a dirección do blog na fiestra correspondente: http://unhacasaparamenta.blogspot.com/. Navegan polo blog.

A continuación imos o navegador Google e escribimos as palabras clave: CASTROS DE GALICIA e buscamos imaxes, as gardamos nunha carpeta creada no escritorio do ordenador.

Logo de traballar un pouco coa creación da carpeta e gardando imáxenes entramos nunha páxina de contidos educativos da xunta na que disfrutarán da visualización dun plano. http://www.edu.xunta.es/contidos/premios/p2004/c/casa/WEB/index.html.

Por último e para rematar xa a mañá xogamos na páxina de lego cun xogo adicado o acondicionamento dunha casa: http://belville.lego.com/en-us/games/DollHouse.aspx

Xa pola tarde e logo de entregarlles uns planos para que se familiaricen con eles adicámonos a elaborar o plano da casa de Menta. Xa temos as caixas de fruta colocadas axeitádamente para a casa de Menta facemos visualizar os rapaces/as o que serían os espacios do plano desa casa. Para elo primeiro traballarán con cinta aislante adhesiva sobre o chan debuxando ditos espacios. Logo pasaremos a papel, aproveitando o formato DIN A4 que é exactamente o mesmo tamaño que o do espacio das caixas. Primeiro decidiremos cal será a cor dos espacios para poder coller os folios de dita cor. Deciden que o DORMITORIO será AZUL, o SALÓN - VERMELLO, a COCIÑA - LARANXA, o CUARTO DOS XOGUETES - AMARELO e o BAÑO - VERDE. Collemos os folios desa cor e elaboramos os espacios do plano.

Comezamos a pintar o dormitorio e o salón en grupos dous grupos.

3º MOMENTO - MARTES 14 OUTUBRO

2008-10-20T09:32:00.000-07:00

Logo de facer as rutinas na aula achegamos os alumn@s unha presentación power point do libro ¿QUIÉN CONSTRUYE TU CASA? que o temos recollido na marxe dereita do blog. A presentación incide nos oficios daquelas persoas que traballan na construcción dunha casa: albanel, carpinteiro, fontaneiro...

De seguido abrimos unha aplicación en pdf na que contemplamos unha serie de casas moi distintas na que os nen@s discriminan aquelas cousas que caracteriza a cada unha.

Pensando no interior da casa definiremos aquelas partes das que constan: COCIÑA, SALÓN, BAÑO, DORMITORIO...

Para ser máis conscientes de todo esto entregamos os nen@s un libro: LA CASA DE MUÑECAS, que se trata dun desplegable que se convirte nunha casa en 3D.

Unha vez que xa teñen interiorizado dalgún modo aquelas partes que pode ter unha casa centrámonos no dormitorio. Terán que facer un collage recortando imaxes de distintas revistas.

2º MOMENTO - LUNS 14 OUTUBRO

2008-10-20T09:14:00.000-07:00

Casas para Menta

Hoxe é luns día 13 de Outubro e aínda que non é o día específico co que traballamos con Menta aproveitamos a tarde para facer algunha actividade arredor da casa para a mascota.

As mestras entregan ós alumn@s unha ficha na que aparece representado o tronco dunha árbore, os nen@s deberán completar o debuxo coa casa que cada un crea convinte para Menta. Os resultados son os que aparece nas imáxenes.

Cando rematamos de elaborar o debuxo propoñemos que inventen un nome para a casa. Escribimos na pizarra palabras relacionadas co tema da casa: CASA, ÁRBORE, TRONCO, CAIXA, VERDE... Entre todos decidimos que o que sí debía aparecer no nome para a casa é verde en inglés: GREEN. Xuntamos a palabra TRONCO coa palabra CAIXA = TRONCAIXA, e máis adiante surxen TRONCAIXETA e TRONCAIXINA. Facemos unha votación para decidir cal é o nome que triunfa. Deciden que será: GREEN TRONCAIXIÑA.

Antes de finalizar a clase propoñemos a construcción libre coas caixas de froita que hoxe luns trouxeron a aula os rapaces.

1º MOMENTO - MÉRCORES 8 OUTUBRO

2008-10-08T12:42:00.001-07:00

Hoxe é mércores e será o día co que se traballe co proxecto durante as semanas que dure.

Daniel foi o encargado de aula do martes e como xa tiñamos previsto levou a Menta para a súa casa e o chegar a aula e logo de participar na primeira rutina (poñer o mandilón) conta a clase que fixo a mascota durante a estancia na súa casa.

Mario é o encargado do día de hoxe, escribe na pizarra o día que é a estación, o tempo que fai, reparte estuches...

A mestras teñen unha sorpresa que son unhas ramiñas de menta (de verdade). Os alumn@s perciben a planta con todos os seus sentidos, o tacto, olfato... Frotamos un pouquiño a folla e... ummm !que olor máis rico!, ¡E menta!...

Repártense uns folio que terán que dobrar a metade para logo escribir por fora a palabra MENTA e debuxar as folliñas que teñen nas súas mans. Colocarán folla por folla no interior do folio para poder conservalas e traballar con elas máis adiante.

[Se queredes ver como quedou este traballo ide a marxe dereita a presentación da 1ª sesión].

Despois de coñecer a planta de menta comezamos a facer as preguntas para comezar co proxecto.

Xa pola tarde comezamos polo primeiro apartado da categorización que consistía en coñecer as casas nas que viviu o home. Farémolo a través de imaxes de castros (Cibdá de Borneiro), o libro la casa y el hogar ayer y hoy y el libro los bolechas quieren saber... como era un castro.

¿COMO SURXE O PROXECTO?

2008-10-08T12:32:00.000-07:00

A principios do mes de outubro os alumn@s da aula de 5 anos de infantil da escola Manuela Rial Mouzo mentras xogan coa súa mascota MENTA danse conta de que non ten casa.

Esto supón un problema para eles xa que as mascotas de anos anteriores contaban con unha. As mestras decátanse de que esto pode ser un pretexto para comezar a traballar con un proxecto educativo sobre "a casa". Será o primeiro proxecto que poñerán en marcha...

Menta viaxará as casas de todos os rapaces/as da aula, xa que o encargado do día a levará para logo voltar con ela a escola o día seguinte. Contará a todos os seus compañeir@s as súas vivencias.